Raj se Sejal tak ka safar - part 1 Kismat ki maar

Yeh meri fantasy story
Mera naam Raj hai aur meri umar 30 saal hai. Meri shaadi Namrata se hui hai, jo 28 saal ki hai. Meri family Gujarat mein rehti hai. Main aur Namrata dono Mumbai mein job karte hain, isliye hum Gujarat chhodkar Mumbai mein rehne aa gaye hain.
Hum dono job par jaate the, isliye humne ghar mein maid (kaamwali) rakhi hui thi. Subah 11 baje Kumari aati thi aur raat ko 9 baje Surekha aati thi. Dono maid bahut achhi thin aur saara kaam achhe se karti thin. Kumari kareeb 30 saal ki thi aur Surekha 35 se 37 saal ki thi.
Main ek closet crossdresser (chhipa hua crossdresser) hoon aur bachpan se hi mujhe ladkiyon ke kapde pehnne ka shauk tha. Bachpan mein chori-chhipe apni bahan ke kapde pehnhta tha aur shaadi ke baad Namrata ke pehnne laga.
Covid-19 ke baad jab sab normal ho gaya, toh Namrata ka office shuru ho gaya, lekin mera abhi bhi work from home hi chal raha tha. Namrata subah 10 baje chali jaati thi aur seedha shaam ko 6 baje aati thi. Is wajah se mujhe poora din crossdressing karne ka mauka mil jaata tha. Namrata ke jaane ke baad main seedhe uski drawer se uski panty nikaal kar pehn leta tha. Phir Kumari ke jaane ke baad roz Namrata ki koi na koi dress pehnkar apni fantasy poori karta tha aur shaam ko 5 baje kapde badal leta tha.
Aisa kareeb 1 saal tak chala, lekin ek din meri kismat kharab thi aur meri zindagi poori tarah badal gayi.
Us din maine Namrata ke jaane ke baad uski drawer se panty pehni aur apna kaam karne laga. 11 baje Kumari aayi, maine darwaza khola aur Kumari andar aakar apne kaam mein lag gayi. Main bhi apne kaam mein lag gaya.
Thodi der baad bedroom se Kumari chillayi aur boli,
"Bhaiya, jaldi aao!"
Main darr gaya ki kya hua hoga. Main bhaag kar andar gaya toh dekha ki Kumari bed par chadhi hui thi. Woh boli,
"Bhaiya, yahan neeche chhapkli hai aur mujhe usse bahut darr lagta hai, kya aap use nikaal denge?"
Maine kaha,
"Kya Kumari, dara hi diya mujhe! Aur tum chhapkli se darrti ho, woh kya kar legi?"
Usne kaha, "Please bhaiya, mujhe bahut darr lagta hai, please nikaal do. Woh yahan bed ke neeche hi hai."
Maine kaha, "Theek hai."
Maine usse jhadu liya aur bed ke neeche dekhne laga. Jaise hi main neeche jhuka, meri T-shirt upar ho gayi. Mujhe andaza hi nahi raha ki T-shirt upar ho gayi hai aur Kumari ne meri jeans ke andar se panty dekh li.
Jaise hi usne dekha, woh zor-zor se hasne lagi.
Maine pucha, "Kya hua?" toh woh kuch boli nahi, bas muskurati rahi.
Thodi der mein maine chhapkli pakad li aur bedroom se bahar aakar apna kaam karne laga. Kumari apna kaam khatam karke mere paas aayi aur boli,
"Bhaiya, ek baat kahoon?"
Maine kaha, "Haan, bolo."
Tab Kumari boli, "Aapne panty kyun pehni hai?"
Yeh sunte hi jaise mera chehra laal ho gaya aur darr ke maare mujhse kuch bolte hi nahi bana.
Usne phir pucha,
"Bhaiya batao na?"
Maine baat ghumate hue kaha, "Arey, maine kahan pehni hai! Tum aisa kyun puch rahi ho?
Jao, mujhe kaam karne do."
Kumari hasne lagi aur boli, "Bhaiya, mere paas saboot hai ki aapne panty pehni hai. Sach batao, warna bhabhi ko yeh pic bhejti hoon."
aur usne mujhe apna phone dikhate hue kaha.
Maine dekha toh hairaan reh gaya! Usne tab photo kheech li thi jab main bed ke neeche chhapkli dhoondh raha tha. Us pic mein meri gulabi rang ki panty saaf dikhai de rahi thi.
Ab chhupane se koi fayda nahi tha, isliye maine usse kaha, "Please Namrata ko mat bhejna, main batata hoon. Haan, maine pehni hai, par please yeh baat kisi ko mat batana."
Kumari: "Kya tum roz pehnte ho? Aur kya bhabhi ko yeh baat pata hai?"
Main: "Haan, main roz pehnhta hoon aur Namrata ko iske baare mein nahi pata. Please use mat batana."
Kumari: "Aur kya-kya pehnte ho?"
Main: "Sab kuch—sari, salwar-kameez, ghaghra-choli, skirt-top, bra-panty, nighty wagera."
Kumari (haste hue): "Par kyun pehnte ho bhaiya?"
Main: "Mujhe bachpan se ladkiyon ke kapde pehnna achha lagta hai aur ghar ke kaam karna achha lagta hai, jaise ek housewife aur maid karti hain."
Yeh sunkar Kumari zor-zor se hasne lagi.
Kumari: "Kya tumhe maid ki tarah kaam karna achha lagta hai?
Aisa maine pehli baar suna hai ki ek mard ko aurat ke kapde pehnkar ghar ke kaam karne hain, woh bhi maid ki tarah!"
Main sharm se sir jhukakar baitha hua tha. Kumari ne aage pucha, "Aur kya-kya achha lagta hai?"
Main: "Bas yehi sab, aur kuch nahi. Main chahta tha ki Namrata ko bataoon, par jab maine usse kaha tha ki mujhe uske dress try karne hain, toh usne kaha tha ki use yeh sab achha nahi lagta. Isliye uske baad kabhi kehne ki himmat hi nahi hui aur akele mein uske dress pehn leta tha."
Kumari haste hue boli, "Koi baat nahi bhaiya, main aapka yeh shauk poora karwa sakti hoon. Par main jo bolungi, woh karna padega, warna yeh pic bhabhi ko bhejne mein mujhe zara bhi waqt nahi lagega."
Main darr gaya aur kaha,
"Mujhe manzoor hai, par please Namrata ko mat bhejna. Tum jo bologe, main karunga."
Woh boli, "Theek hai, main sochkar batati hoon. Abhi mujhe jaana hai." aur woh chali gayi.
Mujhe darr lag raha tha ki pata nahi Kumari ab kya karegi, aur agar kisi aur ko pata chal gaya toh kya hoga...