సుధా దీపిక

సుధ HRT treatment విషయం లో ఎప్పటికప్పుడు డాక్టర్ పర్యవేక్షణలో వస్తున్న మార్పులు అన్నీ గమనిస్తున్నారు.
ఛాతీ పెరుగుదల పూర్తి అవుతోంది. తగినంత స్ఫుటత్వానికి చేరుకున్నాయి వక్షోజాలు. సుధకి మొదట కొన్న దుస్తులు చాలా బిగుతుగా తయారయ్యాయి. ఇప్పుడు ఎక్కువగా చుడీదార్ లు, పరికిణీ జాకెట్టు, ఓణీలు ఎక్కువగా కొంటున్నారు. లోపల బ్రా 34B సైజ్ సరిగ్గా ఉంది. సుధకి సిగ్గులు మొదలయ్యాయి. లంగా ఓణీ వేసుకున్నాకా ప్రతి అయిదు నిమిషాలకి ఒకసారి ఓణీ సద్దుకుంటోంది. అది చూసి ఇంట్లో మిగిలిన ముగ్గురు ఆడవాళ్ళు ముసి ముసి నవ్వులు నవ్వుతున్నారు. వాళ్ళ నవ్వులు చూసి సుధ బుంగ మూతి పెడుతోంది. నెమ్మదిగా తన శారీరక, మానసిక
పరిణామాలకి అలవాటు పడింది.

ఇప్పుడు ఆమె శరీర ఆకారం మరింత స్పష్టమైన స్త్రీత్వాన్ని పొందింది. శరీరకండరాలు స్త్రీ సహజమైన రీతిలో చాలా మృదువుగా పరిణమించాయి. స్వరం ఎంతో మృదువుగా మారింది. ఆమె సంగీతం నేర్చుకోవడం వల్ల కూడా ఆ సహజత వచ్చింది. ఆమె గొంతు శ్రుతి, స్వభావంలో మార్పులు వచ్చాయి  ఆమె సంగీతంలో కొత్త శైలి, భావప్రకటన ఉంది. ఆమె మధ్యమ, తార శ్రుతులలో చక్కగా పాడుతోంది. గొంతు మృదువుగా, సున్నితంగా, భావప్రకటనకు అనువుగా ఉంది. భావప్రకటనలో సున్నితత్వం, మాదుర్యం, భక్తి భావం ఎక్కువ గా చోటు చేసుకుంటోంది.గమకాలు మృదువుగా, సున్నితంగా, అందంగా ఉన్నాయి.
ఇలా ఆమెకు 19 సంవత్సరాల వయస్సు వచ్చింది.
ఇప్పుడు ఆ ఇంట్లో నలుగురు ఏ అరమరికలు లేని స్త్రీలే. సుధ ఒకప్పుడు సుధాకర్ అంటే ఎవ్వరూ నమ్మే వారు లేరు. చుట్టు పక్కల వాళ్ళుకూడా సుధని, దీపికను, పండగలకి, ఫంక్షన్ లకీ పిలుస్తున్నారు.
ఒకసారి వాళ్ళు నలుగురు సమావేశం అయ్యారు. ఇప్పుడు సుధకి HRT treatment పూర్తి అయ్యింది అని డాక్టర్లు చెబుతున్నారు.
డాక్టర్లు
ఇంక SRS సెక్స్ రిఅసైన్మెంట్ సర్జరీలో
*వాగినోప్లాస్టీ* ఒక భాగం ఇది స్త్రీ జననేంద్రియాలను సృష్టించే ప్రక్రియ,
*వల్వోప్లాస్టీ:* స్త్రీ జననేంద్రియాల బయట భాగం సృష్టి.
*క్లిటోరోప్లాస్టీ:* క్లిటోరిస్ సృష్టి.
ఈ మూడింటికి 3-నుంచి 6:మాసాల కాలం పడుతుంది. అవసరమైతే చేయించుకోవచ్చు. అని చెప్పారు.
కనుక ఇంక SRS కి వెళ్ళాలా వద్దా? అని నలుగురు చర్చించుకుంటున్నారు.
సుధ SRS కి మానసికంగా సిద్ధం అయ్యింది.

సుధ తన రోజువారీ కార్యక్రమాలన్నీ నిలిపివేసింది. డాక్టర్ల పర్యవేక్షణలోకి వెళ్ళి పోయింది. ఆమెతో పాటు సావిత్రమ్మ పూర్తిగా హాస్పిటల్లో తోడుగా ఉంది. దీపిక ఇంటికి హాస్పిటల్ కి మధ్య తిరుగుతూ ఉంది. అనసూయమ్మ పూర్తిగా ఇంట్లో ఉంది.
ప్రిలిమినరీ పరీక్షలు అన్నీ ఒకే వారం రోజుల పాటు చేసి సైకలాజికల్ కౌన్సెలింగ్ ఇచ్చి
ముందుగా వాగినో ప్లాస్టీ మొదలు పెట్టారు.

1. *వాగినోప్లాస్టీ:*  సర్జరీ: 4 గంటలు పట్టింది. హాస్పిటల్ స్టే: 7 రోజులున్నారు. సుధ రోజు వారీ పనులు మొదలు పెట్టింది. రికవరీకి : 10 వారాలు పట్టింది.
తరువాత *వల్వోప్లాస్టీ:* సర్జరీకి 2 గంటలు పట్టింది. హాస్పిటల్ స్టే: 3 రోజులు పట్టింది. రికవరీకి 5 వారాలు పట్టింది.
ఆ తరువాత  *క్లిటోరోప్లాస్టీ:* సర్జరీకి 2 గంటలు పట్టింది.
   హాస్పిటల్ స్టే: 2 రోజులు తీసుకుంది. రికవరీ: 6 వారాలు పట్టింది .
ఇలా 21+5 - 26 వారాల్లో వాగినో ప్లాస్టీ,  వోల్వో ప్లాస్టీ, క్లిటోరో ప్లాస్టీ పూర్తి అయ్యాయి. ఎప్పటికప్పుడు డాక్టర్ లు స్వెల్లింగ్, ప్రైమరీ ఇన్ ఫెక్షన్ లు వంటి వాటిని నివారిస్తూ వచ్చారు.
సుధని సావిత్రమ్మ, అనసూయమ్మ, దీపిక ఎంతో ప్రేమతో, రాజకుమార్తె లాగా చూసుకుంటున్నారు.
ఒక రెండు వారాల వ్యవధి ఇచ్చి  *డైలేషన్ థెరపీ* మొదలు పెట్టారు.
   మొత్తం 6 నెలలు కాలం తీసుకుంది. రోజుకి 1-2 సార్లు డైలేషన్ థెరపీ చేశారు.
*డైలేషన్ థెరపీ అంటే:* వాజినాల్ డైలేటర్‌లను (ప్లాస్టిక్/సిలికాన్) ఉపయోగించి, వాజినాను స్ట్రెచ్ చేయడం
సర్జరీ తర్వాత వాజినా కుంచించుకుపోకుండా, సైజులో ఉండటానికి సహాయపడుతుంది .
భవిష్యత్తులో సెక్సువల్ రిలేషన్స్‌కు ముందస్తు చర్యగా , డైలేషన్ థెరపీని పూర్తి చేయాలి. ఇలా సంవత్సరం పై ఒక నెలకు సుధ పూర్తిగా ఆడపిల్ల గా మారింది.
మరి మూడు మాసాలకు తన రొటీన్ కి వచ్చింది సుధ. అక్కడ నుంచి సుధ మంచి గాయనిగా, నర్తకి గా పేరు తెచ్చుకుంది. ఊళ్ళో గాన కచేరీలు, నృత్య ప్రదర్శనలు ఇవ్వడం మొదలు పెట్టింది.
దానితో పాటు దీపిక తో కలిసి అనసూయమ్మ మార్గదర్శనం లో *సఖీ పికిల్స్* మొదలు పెట్టింది. ఆ బిజినెస్ చాలా లాభసాటి గా మారింది. అలాగే సుధ దీపిక శ బ్యూటీ పార్లర్ కూడా మొదలు పెట్టింది. అందులో నలుగురు ట్రాన్స్ వుమెన్ కి ఉద్యోగం ఇచ్చింది. ట్రాన్స్ వుమెన్ కి నిర్ణీత సమయాలలో ఉచితంగా బ్యూటీ పార్లర్ సర్వీసెస్ అందించడం మొదలు పెట్టింది.
ఇదీ సుధ జీవిత ప్రస్థానం. దీపిక వల్ల సుధ పూర్తిగా ఆడపిల్ల గా మారింది. సుధ, సావిత్రమ్మ లవల్ల దీపిక, అనసూయమ్మ ల ఆర్థిక స్తోమత పెరిగింది. సుధకి ఇరవై రెండేళ్ళ వయసులో సావిత్రమ్మ కి 56 ఏళ్ళు, అనసూయమ్మ కి 54 ఏళ్ళు, దీపికకి 26 ఏళ్ళ వయసులు. ఆనలుగురు ఆనందమయమైన జీవితం గడుపుతున్నారు.